رئيس جريدة المنوفية اعلام الدفاع الوطني
س👈 هل أوكرانيا هى أخر طموحات روسيا ؟
ج👈 لأ طبعا الحوار مش هايقف عند أوكرانيا وهناك توقعات
ومعلومات بتقول إن روسيا هاتدخل على باقى دول البلطيق
س👈 هل الغرب وأمريكا هايسكتو وهايسمحو بالتوغل الروسي ده ؟
ج👈 أيوا هايسكتو ومش هايحركو جندى واحد
إلا فى حالة واحدة فقط وخط أحمر حرفيا بالنسبالهم
س👈 إيه هى الحالة والخط الأحمر ده ؟
ج👈 [#بولندا](https://www.facebook.com/hashtag/%D8%A8%D9%88%D9%84%D9%86%D8%AF%D8%A7?__eep__=6&__cft__[0]=AZUxVNDW-HpCbe94GuW3mk34gdQ1-kFVNqQjt69dxwagE9RIE56hV6FmCrVK_JF7rcHO10AXgbVUkWW8auk5Z4KxabjzOhizqRP90S0Dh44Fe8xo-IccoPQsZFZvn07u26bs0EHiZqAXs2hM42ErEnsDqyIn-7PvBDW5Atd1Mwearg&__tn__=*NK-R) هى الخط الأحمر بالنسبة لأوروبا وأمريكا
زى سرت والجفرة كده بالنسبة لمصر فى ليبيا
ولو روسيا قررت فى وقت ما غزو بولندا ساعتها بس
تقدر تقول الحرب العالمية الثالثة ابتدت حرفيا
وهاتبقى مطحنة ومعجنة ومدعكة بكل ماتعنيه الكلمات من معنى
لأن عندك كمان الصين بتجهز لحوار كبير أوى وهانشوف ده قريب
ويارب مانوصل لمرحلة بولندا دى لأنها هاتيجى على دماغ الكل
س👈 بالوضع الحالى هل الإقتصاد هايتأثر ؟
ج👈 طبعا العالم كله هايتأثر بشكل كبير والجدع ال هايقدر
يلم نفسه ويتعامل ويفضل واقف على رجله زى مصر كده💪
س👈 التأثير على مصر هايبقى حجمه قد إيه ؟
ج👈 أكيد مصر هاتتأثر من ناحية التكلفة والأسعار العالمية
لكن من ناحية توفير السلع مفيش أى تأثير هايحصل بإذن الله
بالنسبة للغاز الحمد لله ربنا رزق مصر بخير كبير من الغاز وزيادة
بالنسبة للسلع الغذائية كله بفضل الله متوفر وعندنا احتياطى كبير
حتى القمح إل لسة بنستورد كمية كبيرة منه من روسيا وأوكرانيا
وماشيين فى سكة الإكتفاء منه عن قريب بإذن الله
معندناش مشكلة فيه لأن فى احتياطى يكفى لخمس شهور
وموسم الحصاد هيبدأ فى أبريل القادم وهايكفى لمدة سنة كاملة
ولو تفتكرو كده وترجعو للذاكرة
هاتلاقو إن الرئيس السيسي أصدر أوامر وتوجيهات
بتوفير أكبر قدر ممكن من الاحتياطي للسلع الغذائية
علشان مانواجهش أزمة كبيرة زى إل العالم فيها دلوقتى
وده بيدل على إن القيادة عاملة حساب لكل شيء ممكن يحصل
حتى لو لو مقدرناش نوفر القمح من روسيا وأوكرانيا
مصر عندها بدل البديل أكتر من عشر بدائل تجيب منهم
وده بفضل الله وبفضل ذكاء القيادة ال عملت علاقات قوية
مع الدول دى ونوعت المصادر زي مانوعت فى مصادر التسليح
س👈 هل مصر ممكن تستفيد إقتصاديا من الصراع الحالى ده ؟
ج👈 أيوا طبعا ممكن ووارد جدا جدا وركز بقى فى دى علشان مهمة جدا
دلوقتى أوروبا وأمريكا مش قادرين يتحركو ليه ضد روسيا !
ورافضين يخرجوها من اتفاقية البنوك الدولية
بخلاف إنهم عندهم مشاكل وبلاوى فى الداخل
وكلنا سمعنا التصريح الكارثى لوزير المالية الألمانى
بيقول نأسف لإهمالنا للجيش الألمانى طوال السنوات الماضية
ولم يعد قادر على القيام بمهامه وبلاوى سودة تانية بسبب كورونا
لو خرجو روسيا وتمادو فى العقاب الإقتصادى
الرد الروسي هايكون صااااااعق مااااااااااحق
بغلق حنفيات الغاز على أوروبا وساعتها هاتبقى كارثة الكوااارث على أوروبا
وخلى بالك كل العقوبات ال صدرت لغاية الأن بالنسبة لروسيا
ولا يفرق معاها ولا ليها أى ستين لازمة إنما هما عارفين ان فى
خطوط حمرا مش هايقدرو يقربو منها خوفا على مصالحهم برده
المهم .. مين بقى البديل إل عنده وفرة فى الغاز
وعنده بنية تحتية كبيرة جدا ويقدر يصدر لأوروبا؟!
أيووون هى [#مصر](https://www.facebook.com/hashtag/%D9%85%D8%B5%D8%B1?__eep__=6&__cft__[0]=AZUxVNDW-HpCbe94GuW3mk34gdQ1-kFVNqQjt69dxwagE9RIE56hV6FmCrVK_JF7rcHO10AXgbVUkWW8auk5Z4KxabjzOhizqRP90S0Dh44Fe8xo-IccoPQsZFZvn07u26bs0EHiZqAXs2hM42ErEnsDqyIn-7PvBDW5Atd1Mwearg&__tn__=*NK-R) 🇪🇬
ساعتها مصر هاتصدر لأوروبا بشكل أكبر من دلوقتى وبالسعر إل هى عايزاه
س👈 هى مصر بتصدر غاز لأوروبا دلوقتى؟
ج👈أيوا يابيه مصر لغاية دلوقتى مصدرة أكتر من خمسة مليون قدم غاز لأوروبا
س👈 طب ده لو حصل مش هايبقى معناه معاداة روسيا ؟
ج👈 لأ طبعا كل دولة بتدور على مصالحها ومصر واخدة
موقف الحياد مع الجميع ولا تتدخل لحساب طرف على حساب طرف
والله المستعان ودائما وأبدا تحيا مصر رغم أنف الكارهين✌️
