متابعه📑 وتقرير
🖋 بقلم(احمد نصر الكريتي)🌐✔
مسئول العلاقات العامة👌 بالقاهرة🌎_بالهيئة الوطنية للتوعية الفكرية_ اعلام الدفاع الوطني🇾🇪
تفتكر يا عزيزي احنا سذج كده ؟ يعني يرمولنا كلمتين و نجري نقول هيييه ؟
● أولاً، فين الصفقة ؟! فين عرض بايدن و موافقة الكونجرس و الشيوخ ؟!
● ثانياً، هناخدها ( كاملة ) بتسليح ( كامل ) ولا هتحجب عني أهم أسلحة زي ما عملت في الاف ١٦ و الأباتشي ؟!
ولو كامله، ايه يضمنلي إنك متستخدمهاش ضدي في أي مناسبة عشان تتدخل في شؤوني الداخلية ؟! و كل شوية تقولي هحجب الذخيرة، لا مش هعمل صيانه !
احنا نسينا الأباتشي لما اخدوها يعملوا صيانه، و استهبلوا فترة و حجبوها عندهم !؟
● ملموش نفسهم إلا لما جبنا البديل من روسيا ( كاموف ٥٢ )
يا راجل ده في ٢٠١١ قالك انتوا مطلعين اف ١٦ ليه فوق العاصمة ؟! انت مال *** ؟؟؟
● يا عزيزي احنا بقالنا سنين بنطلب صاروخ ( الأمرام ) على الاف ١٦ و هما مانعين ! رادار ( اللونج بو ) ممنوع على الأباتشي !!
● الفكرة ان بعد ما بقا فيه قرار موحد من الثلاثي ( مصر السعودية و الامارات ) و اديك شايف القرار بيطبق على الأرض ازاي، و أمريكا بيتم معاملتها بما تستحقه،
الفكرة بقا انهم ( امريكا ) عايزين يصلحوا ! في الوقت الضايع ! عن طريق استعطاف و استرضاء مصر، و بالتالي التأثير من مصر على الخليج، بس انسى خلاص،،،
● نظام عالمي جديد متعدد الأقطاب، و لم و لن تكون أمريكا الأعظم فيه، انتهى !
لو عايز رأيي ؟ مجرد إعلان ( زغللة عين ) و احنا خلاص رتبنا أمورنا، و البديل موجود، فهي حاجة من إتنين مالهمش تالت،
● يا هناخدها فعلاً ( كاملة ) ، بس مالكمش فيه أجيب من روسيا ايه ! و مالكش فيه و مكمل صفقة السوخوي، وده صعب،
يا شكراً مبقتش تلزمني 😎😉 و برضه ملكش فيه أجيب ايه منين، و اللي عندك اعمله،
● و بالمناسبة للمنبطحين بتوع لو جبنا من روسيا هيوقعوا عقوبات، لو عايزين يوقعوا عقوبات و جامدين أوي كده، كانوا وقعوها، و مكنوش عرضوا عليك انهم وافقوا على اللي طلبناه من سنين و منعوه عننا،
بزمتك، مين بقا أقوى في الموقف ده ؟ و مين محتاج التاني أكتر ؟؟
● انسى، من بعد ٢٠١٤ و السياسة الخارجية الاستراتيجية مع أمريكا مختلفة تماماً، و التوجه أصبح شرقاً ( ثم ) غرباً ( أوروبا ) مفيش صفقة واحده من ٢٠١٤ مع أمريكا تعتبر صفقة استراتيجيه ! كلها حاجات أقل من العادي 😉😊
