الهيئةالوطنية للتوعية الفكرية اعلام الدفاع الوطني
لقيت حد بيصحيني من الفجرية باين مستكتر عليه انام الخمس دقايق ديه .. منبه فوق دماغي بيقولي قومي استغلي وجودي ياشكريه واكتبليلك سطرين ينفعوكي انتي وهي علشان الستات الشقايانه من الصبحبة ، قلت حاضر وأنا اقدر اكسر كلامك ياخويه انا قايمه ..قالي عارفة هاتقولي ايه؟ قلت باينه جاي بوصيه ..قلت حاضر .. قالي واتكلمي ياشكرية عن الرجالة المفترية ..اما الرجالة العادية دول اوعي تجيبي سيرتهم ياست ياكمل انتي وهي.. عشان دول محظور تداولهم في البورصة المحلية ، قلت ومالو مش عيب .. يلي ياستي انتي وهي احكي ياهانم أنتي وهي خلوني اسيب شغلي واشتغل قاضي للحكاية ديه ..يوه .هو انتي ناقصة وجع دماغ ياشكرية والراجل اللي قاعد لها بالجلابية ..بيدور ليها علي غلطة في اي طبق شوربة او في طبق مهلبية .
اصبروا عليه شويه علشان سي السيد محتاج مخ جوة المخيخ . اصله يستاهل كل خير وعلي الله الارزاق ياختي انتي وهي 😄😄
😀😀😀قولت حاضر ياعنيه .. ردت واحده منهم وقالت دا انا جوايا كثير من الرجاله ديه .. شويه اصحابي وشويه اخواتي وشويه الناس البرانيه .. يعني كلهم ظالمين الرجاله ديه .
الموضوع كبر في دماغي وقلت . لا لا .. لازم نعمل اجتماع علي الطبلية .
واللي مايعرفش الطبيلة يستني عليه شويه . هاقوله بعدين ايه هي الطبلية .
المهم اجتماع سي السيد لازم يكون قبل الجمعة دي .. علشان نصف شعبان والدعوة تكون مستجابه ليه وليه .. اصل دعوة الوليه منها باب السماء ياستات ياقاعدين معايا علي الطبلية .
ميعاد الاجتماع ياخويه انت وهو .. اتحدد يوم الجمعة قبل المغربية .. ونصيحة من شكرية .. الحق نفسك ياخويه انت وهو قبل الجمعة ديه .. اصل الدعوة هاتبقي مقبولة وانت الخسران في الليلة ديه .
روح اشتريلك صحبة ورد وصالح الهانم دي وهي مش مفتريه .. انا سمعاك .. كفاية ظلم بقي . المهم انا نصحتك قبل اجتماع الطبليه ..مع اني كان اجتماع سري بس بصراحة انت صعبت عليه . قلت شكرية مابتحبش الأذية . لكن لو انت مصمم يبقي انت اللي عملت في نفسك الخيبة دي .. اجري بسرعة وصالح ست الحسن والجمال اللي بتتمنالك الرضا ترضي ووصلتها انت بإيدك لاجتماع الطبلبة .
وسلام وتحية من كل ست عصرية جاية اجتماع الطبلية المستديرة .
للتسجيل في اجتماع الطبلية اطلبيني علي النمرة ديه ٥٥٥٥٥ وخدي معاكي خرزة 🧿بالشكل ديه عشان العيون المستخبية .
