الوطنية نيوز Ege.gov
***************************
الإخوان بقالهم كام يوم مركزين مع المخابرات العامة المصرية وبيتكلموا على النشاط الاقتصادي للجهاز !
اولا وبسم الله الرحمن الرحيم كده دي مش تهمة عشان ننفيها أو نثبتها، لأن السؤال هنا بقى : هل في جهاز مخابرات في الدول الكبرى في العالم معندوش نشاطه الاقتصادي الخاص ؟!
ده ال CIA المخابرات الامريكية عندها صندوق استثماري حاجة اشبه بكيان عملاق كده اسمه (In- Q- Tel) بيستثمر بمليارات داخل وخارج امريكا في انشطة اقتصادية من اول السلاح لحد مستحضرات التجميل !
المخابرات الفرنسية عندها شركات بتستحوذ على نسبة كبيرة جدا من الاقتصاد الفرنسي في الداخل والخارج ، بريطانيا طبعاااااا نفس الكلام ، الصين وما ادراك ما الصين .. نشاطها المخابراتي الاقتصادي منتشر في العالم كله ...الخ من اجهزة المخابرات اللي بتملك كيانات وشركات بيعود ربحها للجهاز بعيدا عن تحميل الموازنة العامة للدولة أي تكلفة .
طب ليه ؟
لسبيين بساط جداااا .. اولاً نفقات اجهزة المخابرات ضخمة بشكل كبير، ولو تم تحميلها على الموازنات العامة للدول هتكون عبء ثقيل جدا على الموازنة .
ثانيا جهاز المخابرات ده جهاز سيادي بشكل كامل ، يعني بيشتغل لصالح البلد بصرف النظر عن الأنظمة والحكومات المتغيرة ، بمعنى ان افرض مثلا جه رئيس جديد لفرنسا ضربت في دماغه انه يقلل نفقات المخابرات الفرنسية المدرجة في الموازنة العامة للنص مثلااا ، هل الجهاز بقى يسيب نفسه لقرار مجنون ومتهور زي ده ويتأثر ويفقد نفوذه عشان رئيس حب يوفر في الموازنة ؟!!
ثانيا ( السرية ) .. لو ميزانيتي كجهاز موجودة في الموازنة العامة يبقى هتتشاف من اللي يسوى واللي ميسواش ، ولازم انا كجهاز اقدملك بنود الصرف عشان حضرتك تراجعها ، فناقص بقى احطلك مثلا 12 مليون دولار بند مخصص لمراقبة عملاء المو.سا.د في اليونان !
الخلاصة ان لازم جهاز المخابرات القوي والكبير يبقى عنده نشاطه الاقتصادي الخاص بيه عشان يقدر يصرف على نفسه ومحدش لا يطلع على سرية نفقاته ولا حد يأثر على عمله بسبب تعاقب الحكومات والأزمات الاقتصادية .
طبعا الكلام ده متعارف عليه في كل الدنيا وأمر مفروغ منه ، بس الاخوان بيحاولوا يفهموك ان ده شيئ غريب وغلط وسرقة وفساد في مصر :D
عشان ده جزء من سلسلة تشويه الجهاز والتأثير عليه وشيطنته بس دي اضغاث احلام ولا يمكن تحصل .
واخيراً جهاز المخابرات العامة المصرية يعمل لصالح الوطن ولا يستفيد أي استفادة مادية من انشطته الاقتصادية بالعكس ده بيساهم بيهم لخدمة الدولة ومساعدة اقتصادها ، يعني هو مساعد وليس عبئ .
