•مسئول العلاقات العامة بمحافظة القاهرة_ بالهيئة الوطنية للتوعية الفكرية اعلام مجلس الدفاع الوطني
💪• قضت محكمة الإسماعيلية الاقتصادية في قضيه التشهير بسيدة بورسعيد من قبل محامي طليقها بتاييد الحكم بالحبس لمدة سنة وكفاله ١٠٠٠٠ الف جنية وغرامة ٢٠٠٠٠ الف جنية واحالة الدعوى المدنية للمحكمة المختصه
#القصه راجل وست متجوزين حصل بينهم خلافات ومشاكل اسرية فقررت الزوجة اللجوء لمحكمة الأسرة للمطالبه بحقوقها القانونية من نفقات....... الخ
قام الزوج باستغلال صور خاصه بزوجتة حصل عليها وقت الزوجية وبالتعاون مع المحامي بتاعه بدء في تهديدها والتشهير بها على صفحات التواصل الاجتماعي وقنوات على اليوتيوب علشان يضغطوا عليها علشان تتنازل عن حقوقها هي واطفالها.
لكن الست قررت مش تترك حقها وتاخد حقها بالقانون وتم تحرير محضر بالواقعه بالفعل وحكمت المحكمة على المحامي في القضيه الأولى بالحبس سنه لان فيه قضايا تانيه محرره ضده هو وكمان فيه محاضر محرره ضد طليقها.
#رسالة
✅ انا بشكر الست اللي أصرت ان هي مش تترك حقها وتعافر رغم الصعوبات والضغوط ونظرات المجتمع علشان توصل لحقها وتقتص من المجرمين دول
✅ بشكر اخوها اللي كان لها نعم الأخ والسند ونعم الداعم واللي أصر يقف مع اخته مهما حصل ومهما كانت العواقب والظروف في طريق حصولها على حقوقها ويسافر معاها في كل مكان لحد ما تاخد حقها.
#واخيرا
👈 هنفضل نقول للجميع اوعي تسيب حقك اوعي تتنازل عنه مهما حصل اوعي تخاف من شيء ادعموا بناتكم واقربوا منهم اسمعوهم خليكم سند لهم شجعوهم على المطالبه بحقوقهم أعيدوا النظر في تربيهم اولادكم عرفوهم الحلال والحرام والأصول والعيب والصح والغلط.
•بنطالب نقابة المحاميين بدعم الضحية وشطب المحامي من النقابة فور تأييد الحكم✋
