•متابعه وتقرير أحمد نصر الكريتي
مسئول العلاقات العامة بالقاهرة_ بالهيئة الوطنية للتوعية الفكرية_ اعلام مجلس الدفاع الوطني_ بموقع وجريدة الوطنية نيوز للصحافة والأعلام
...خبرين طالعتنا بهم المواقع الاخبارية منذ قليل وردود الأفعال عليهم اصابتني بالدهشة والغيظ ..
1_• خبر القبض على قمر بائعة المنتجات المضروبة بالوكالة ..
2_•وخبر القبض على محترفة الدروس الخصوصية الي بتمشي ببودي جاردز
• الحقيقة ان الخبرين متوقعين انما ردود فعل الناس هي الي عجيبة ، ما بين دي غلبانة وبتاكل عيش وما بين دي كبش فداء بيضيع حق دولة كامل وحق مجتمع كامل ويستمر تساقط الضحايا
• قمر بتاعة الوكالة التي تسابقت مواقع صحفية كل دقيقة تعمل بث مباشر معاها ، وروج لها بلوجرز وهي شغلانة كل صايع عايش على قفا الترويج لمنتجات ، وقُدمت ضدها عدة بلاغات من بنات اصابتهم منتجاتها بحروق في بشرتهم ، وكانت بتطلع في اي لايف تقول الناس غيرانة مني ، فجأة اصبحت ضحية وبنت غلبانة بتاكل عيش في عرف الناس وهاجموا المسؤولين الي قبضوا عليها ... ألااااه طب ما الي بيبيع المخدرات لعيالكم على كده غلبان والي بيبيع أدوية مغشوشة بتقتلكم بردو غلبان ، وإلي بيأكلكم لحم حمير غلبان ونسيب الكل يسترزق ونغلط الدولة انها قبضت عليه بدل ما نطالب بتكثيف تلك الحملات ومحاسبة مصانع بير السلم والتجار الي بيوزعوا والبلوجرز الي بيعلنوا والمواقع الزفت الي قرفتنا بالأشكال دي .
••• نيجي بقى لوحش الكون التانية الي امتهنت التدريس وكانت بتدخل القاعة الي بتدي فيها الدروس الخصوصية بعدد من البودي جاردز وقيل ان حصيلة يومها ب 250 الف جنيه وبردو طالعة بعد القبض عليها تقول كنت باكل عيش ، ونفس الناس الي دافعت عن بتاعة المنتجات المضروبة هما الي بيدافعوا عن بتاعة البودي جاردز وشفنا تعليقات من نوعية محدش ضربكم على ايدكم تروحوا لها ودي غلبانة وبتاكل عيش !!!!
• بدل ما نطالب بمحاسبتها ونستمر في جهادنا ضد وزير التعليم الذي ألجأنا لأمثال هؤلاء .
• حضراتكم مش عايزين دولة انتم عايزين فوضى ولما الاجهزة الرقابية تشتغل صح تهاجموها بدل ما تطالبوها بمزيد من الرقابة ومحاسبة الجميع ..
ح•ضراتكم ليكم عين تشتكوا بعد كده من منتج مضروب او أكل مغشوش او مطعم فاسد او تاجر بيمص دمك او نصاب بيستغلك او مستريح نهب فلوسك ؟؟؟؟؟
•للأسف أنتم من تروجون لكل مخالف للقانون وأنتم من تدافعون عنهم حين تقوم الدولة بدورها ، وأنتم أيضا أولى ضحاياهم .
