زيارة نائب وزير التربية والتعليم لمدرسة تجريبية المعلمين الحديثة بالشرقية

متابعه: مدحت ماهر

مدير قسم اعلام الدفاع الوطني

اتفاق مصر مع دول الاتحاد الأوروبي على زيادة ضخ الغاز لمدة 5 سنوات خبر عظيم وجاى بعد تعب وعزيمة وإصرار من قبل الدولة المصرية على أنها تجيب جون فى ملف الغاز..

صادرات مصر البترولية خلال 2021 زادت بصورة كبيرة جدا بنسبة 84.5% ووصلت لـ13 مليار دولار مقابل 7 مليار دولار فى  2020، وده جزء كبير من سببه هو ارتفاع صادرات الغاز بصورة قياسية بلغت نسبتها 770% خاصة مع زيادة أسعار الغاز عالميا..

والطلب هيزيد على الغاز المصري خلال الفترة الجاية لأن مصر عندها البنية التحتية الخاصة بتسييل الغاز وتحويله لغاز مسال جاهز للضخ مباشرة فى الخطوط الواصلة للمصانع والبيوت..

طبعا كان للاكتشافات الجديدة فى البحر المتوسط والعلاقات القوية مع شركات البترول العالمية واقتناعها إن مصر عندها فرص استثمار بترولية قوية للغاية جعل الشركات دي تتنافس للحصول على امتيازات جديدة فى البحر المتوسط والصحراء الغربية أو خلال الفترة المقبلة فى البحر الأحمر..

الجانب المهم بقي إننا أعدنا تشغيل مصنع إسالة الغاز بدمياط وعودة تصدير الغاز المسال بعد توقف استمر 8 سنين وكمان شغلنا مصنع إسالة وتصدير الغاز بإدكو..

كل الحاجات الحلوة دى خلت مصر تصدر غاز طبيعى ومسال بقيمة 3.9 مليار دولار خلال 4 شهور التلت الأول من السنة دي، طبعا ده بسبب ارتفاع أسعار الغاز الطبيعى والبترول اللى وصل فيه برميل خام برنت فوق 124 دولار..

الحمد لله احنا بنعمل مكاسب كبيرة فى قطاع البترول اللى كان فيه عجز وبقينا يتحقق فائض ومن أكبر المصدرين..

حقيقى مصر جابت جون فى ملف الغاز .