ادارة شرق الزقازيق التعليمية وتجريبية المعلمين الحديثة يحتفلون باعياد الطفولة

 إسماعيل عباس الشريف 

صحفي بالوطنية نيوز مصر 

إعلام مجلس الدفاع الوطني

 فى  أقل من 72 ساعة هيئة السكة الحديد قدمت بلاغ بخصوص سرقة 5 صناديق إشارات تركات واللي بتغذي السيمافورات بالإشارات المنظمة لحركة سير قطارات السكة الحديد تحديداً في المنطقة ما بين طنطا وبركةالسبع، وده أثر على حركة سير القطارات.. فوراً وفي خلال ساعات بسيطة اتحرك قطاع الأمن العام والإدارة العامة لشرطة النقل والمواصلات ومديرية أمن الغربية وقدروا يظبطوا الأشخاص اللي ورا السرقة وتم ظبط المسروقات والتروسيكل اللي استخدموه في السرقة، ورجعت حركة خط سير القطارات لطبيعتها بعد ما اتعطلت عدة ساعات.. 

الخبر العظيم هو اللي صدر النهاردة في البيان الإعلامي لوزارة النقل، واللي تم فيه ذِكر تحويل المتهمين للنيابة العسكرية بتهم تخريب الممتلكات العامة وإرهاب المواطنين وتعريض حياتهم للخطر والإضرار بالأمن القومي.. 

قرار مهم وهيبقى رادع قوي لأى شخص يفكر يخرج عن القانون ويعرض مصير الناس للخطر.. تخيل لو لا قدر الله بسبب التصرف اللي عملوه المجرمين دول حصلت كارثة وراح ضحيتها مئات الناس!.. اللي حصل ده فيه كذا درس كلهم أهم من بعض: أولاً إن فيه وسطنا بعض ناس اللي مايفرقش معاهم حياة غيرهم، وثانياً إن فيه داخلية قوية ورجالتها صاحية ليل نهار، وثالثاً إن فيه عقاب فوري وسريع لأى شخص يكون فيه احتمال ولو 1% إنه ممكن يضر غيره..  

السكة الحديد مرفق من أهم مرافق الدولة المصرية واللي الدولة بتشتغل عليه بكل طاقتها لتطويره، وفي النهاية المرافق دي ممتلكات الناس، والحفاظ عليها مسؤولية الناس زى ما هي مسؤولية الدولة عشان كده أى حد يلاقي أى شخص بيهدد سلامة وأمن ممتلكات بلدنا يبلغ عنه فوراً عشان ياخد عقابه.. لا مصير الناس، ولا مصير مشروعات بلدنا ينفع يكونوا لعبة في إيد أى حد.

تحيات إسماعيل عباس الشريف 

إعلام مجلس الدفاع الوطني