أنا المسيحـي اللي مـات ف كنيستــه بيصلّـي

الشاعر اللواء محمد هيكل

الوطنية نيوز

أنا اللـي كلمـــة( وطــن) و قـت المحـن ضلّـي

أنا المسيحـي اللي مـات ف كنيستــه بيصلّـي

ما تنقطـونـــا بقــى ب سـكاتكــــوا ارجـوكـــو

انا اللي راضي بأي شيـئ ف بـــلادي يحصلّي

.

أنا المسيحـي اللي لو سال منه حتى .. القهـر

لو دمــي 100 شـــــلال مع كل طلـــة شهـــر

لكـن و عهد الله ........ بعشــق تراب الوطــن

إيه أغلى م الأوطــان نديلهـا روحنـا .. مهــــر

.

أنا المسيحـي اللـي ليـــا كنيســـــه ف بلدنــــا

و انا المسيحي اللي حابب عشقـي ل المدنـه

انا اللي إسمـي (موريـس) و أبويا ( عبـدالله )

و انا اللي طالب م اللي غاوييـن الفتن هُدنــه

.

أنا المسيحي وياريت يفهمني كل اللي سامع

لاعمري منها اشتكيت.. و لا ليا فيها مطامــع

و لا حد غير الوطن .. طبطـب على جراحـي

أنا اللـي لمـا بكيـت حزنـت عليـا الجـوامــــع

.

أنا المسيحـي اللي عـارف معنـى كلمـة ديـن

أنا اللي أحمد دا جاري وشايلني جـوه العيـن

أنا اللـي بقســــم رغيفــــي ع الفطــار ويـَّــاه

أنا المسيحي اللي بسـأل : إنتـو تبقــوا ميـن !؟

.

أنا اللي مهما اتْخــَدَع مامشيـــش ورا جهلـي

أصلي يا أهل البدع ..... بعشقهـا على مهلـي

دي مصر غصبن عن ابوكو .. هيـه نورالعيـن

أنا المسيحـي الجــدع .... و المسلمين أهلـي

.

.

.

الشاعر اللواء محمد هيكل

خالص العزاء لشعب مصر 

في القس أرسانيوس وديد  .. كاهن كنيسة السيدة العذراء مريم ...  بمحرم بك  اشكر اللواء محمد هيكل المحترم

د.م. بشرى الجرجاوى