شابوووو سارة خليفة القبض على بقية العصا/بة

وزارة الداخلية أعلنت عن استكمال ضبط التشكيل العصابي الدولي لتجارة الحشيش الصناعي

، بقيادة ما يُعرف إعلاميًا بـ"سارة خليفة"، ومعاها عناصر تانية.

القضية مش بسيطة، ومش مجرد خبر عدّى… ده جرس إنذار كبير جدًا!

نظرة على المضبوطات:

420 كيلو حشيش صناعي (مادة مخدرة معمولة معمليًا أخط/ر من الحشيش العادي وبتسبب تدمير عصبي ونفسي)

كميات من المواد الخام لخلط وإعداد المخدرات

مواد مخدرة متنوعة (لم يُعلن نوعها لكن متوقع تكون منشطات صناعية أو مؤثرات عقلية)

6 سيارات

مبالغ ضخمة بعملات محلية وأجنبية

مشغولات ذهبية

القيمة المالية: 1.283 مليار جنيه مصري!

يعني إحنا قدام شبكة إجرامية منظمة على مستوى عالي، مش مجرد شوية تجار شارع.

الأسئلة اللي لازم نجاوب عليها:

1. مين بيمول الشبكة دي؟

مش منطق أبدًا إن شخص زي "سارة" بمفردها يقدر يموّل استيراد وتصنيع وتوزيع بالمستوى ده… لازم يكون فيه:

داعمين من الخارج البت دي مجرد كحوول

شبكات تهريب مرتبطة بدول الجوار أو حتى أوروبا

احتمال كبير وجود غطاء “قانوني” أو شركات وهمية لغسيل الأموال

2. ليه الحشيش الصناعي بالذات؟

لإنه أرخص في الإنتاج، أقوى في التأثير، وسهل تهريبه على هيئة بودرة أو سائل أو منتجات غذائية.

وهو من أخطر أنواع المخدرات، بيسبب:

اضطرابات نفسية

ميول انتحارية

فقدان السيطرة العقلية

وفيات مفاجئة بسبب التسمم

3. هل دي أول مرة؟

لا. في 2023 تم ضبط كميات مماثلة في موانئ مصر، وكان في عناصر من دول أجنبية متورطة، والسيناريوهات كانت متشابهة.

سيناريو خطير: سارة كواجهة تنظيم إقليمي؟

مش بعيدة. لما تشوف مستوى التنظيم، هتفتكر شبكات زي:

المافيا الإيطالية اللي بتغسل فلوسها في أفريقيا

الكارتلات الكولومبية اللي بتستخدم ستات كواجهات

شبكات إجرامية بتمولها أجهزة استخباراتية لضر/ب مجتمعات من الداخل من غير ما تطلق رصاصة

سارة شكلها بسيط؟ تمام. بس ده جزء من الخطة والإختيار بعنايه قويه ليها

وزارة الداخلية لعبت دور استخباراتي قبل ما يكون أمني.

التحريات ما كانتش مجرد مراقبة… دي كانت متابعة شبكة كاملة، وتحليل تمويل، ورصد حركة أموال، وتجميع معلومات من جهات سيادية.

والمؤكد: الضربة دي أنقذت شباب كتير من كارثة.

الرسالة اللي لازم توصل

الحر/ب دلوقتي مش بس على الحدود…

الحر/ب بقت جوا البلد، في المدارس، في الشوارع، في دماغ الشباب

والمخدرات مش بس تجارة… دي "سلاح" هدفه تفكيك المجتمع من جوه

"سارة خليفة" مش النهاية… دي البداية لكشف خيوط أكبر وأخطر.

وكلنا لازم نكون في حالة وعي ويقظة.

اللي بيحصل مش ج/ريمة عادية… ده حر/ب منظمة على وعي أمة كاملة.