🤚🤚الاطمئنان شعور معظمنا تقريبا وان لم يكن كلنابندور عليه في حياتنا وعلاقتنا .
👌👌دراسات علم النفس اكدت ان ده الشعور الاساسي اللي لو حسيته هتقدر تبني عليه المشاعر الايجابية التانية
☝☝طيب ازاي بقي نحس بيه وسط كل الضغوط والمخاوف اللي حوالينا ؟!
🤚🤚اول واهم نقطه …
خد القرار انك تسعي تبقي مطمئن .
👌👌احنا اتعودنا ان اول حاجة نحس بيها هي المشاعر السلبية.
☝☝محتاجين ناخد النية نبدأ نعود نفسنا ونعود دماغنا ان اول حاجة نحسها هي المشاعر الايجابية.
🤚🤚محتاجين نتأكد ان قلوبنا ودماغنا متصلة بجد مع ربنا.
👌👌محتاجين نبقى متيقنين ان ربنا احن علينا من اي حد.
☝☝كده حتكون مطمن ان اللي بيختارلك الابتلاء ده والمشكلة دي احن عليك من انه يسيبك غرقان من غير مايبعتلك الفرج وسط الصعب ده.
🤚🤚وانه حطك في الابتلاء ده علشان يطلع حاجة حلوه فيك ماكنتش حتطلع غير بالمشكلة ديه.
👌👌لازم نبقى مستشعرين الاحساس ده فعلا من جوانا ونحطه قصاد عنينا علشان نقدر نهون على نفسنا أى قلق.
☝☝وتبقى قلوبنا مشغوله انها تفهم رساله ربنا ليها من الحدث ده
🤚🤚لما تمر بمشكله ..
فكر نفسك كدة كام مرة مريت بمشاكل كبيرة اوى وكنت فاكر انها نهايتك وكانت أحلى بداية لك.
👌👌كام مرة كانت الطرق مسدودة قصادك وربنا فتحلك باب صغير ماكنتش انت مركز انه موجود اصلا ونورلك به طريقك.
☝☝علشان نقدر نبقى مطمنين .. عاوزين نراجع نفسنا كل يوم هل حد له حق عندنا سواء كان مادي او معنوي ..؟!
🤚🤚علشان قلوبنا تقدر تبقي مطمنه لازم تبقى خفيفه مانثقلهاش بالذنوب الصغيرة
👌👌كل يوم ننقيها قبل ما ننام.
☝☝حاول تبقى وسط ناس مطمن معاهم.. ومطمن انهم حيفضلوا سندك فى اى وقت.
ادعي دائما ان ربنا يرزقك بقلب مطمن بكل قضاءه وقدره.
🤚🤚عارفه ان الموضوع أكيد مش سهل بس يستاهل انك تسعي علشان توصله.
