بقول للمواطنين اللي بتقول ولادنا مبتشتغلش ليه؟ انت عايز تدخله كلية وخلاص وفاكر انه كدة بقى جاهز لسوق العمل.
إن كان عندك النهاردة 500 مستشفى فانت محتاج الف، وهتكون عملت الخرسانة بس، لكن الأطبة اللي بتسيبنا عشان عايزة تعيش، هو انا بديله مرتب كويس؟ هو انا مش عايز اديله مرتب كويس ولا مش قادر اديله مرتب كويس؟
لو انا خرجت الاف الطلبة من كلية الاداب جغرافيا او تاريخ او ايا كان، هو سوق العمل فيه الكلام ده؟ الناس عايزة تدخل ابنها او بنتها الجامعة وبس، عايز تأهله لسوق العمل ولا عايز تغسل ايديك وتقوله انا علمتك؟
بنته يبقى عندها 12 - 13 سنة وعايز يجوزها، انتوا بتعملوا ايه؟ هو احنا كدة بنعرف ربنا؟ كدة احنا شعب متدين بالفطرة؟ بنتي عندها 14 - 15 سنة وعايزها تواجه الكلام ده؟ عايز ترتاح من اكلها؟ ده انا ماكلش انا..
الدول اللى بتقول مبتدوش حقوق للناس، حقوق ايه؟ انا مش لاقى أكل.. مش لاقى أشغل.. مش عارف أسكن روحوا المرج والمطرية والخصوص، لما بمنشى في الشوارع الاقى إيه؟، هي دي بلادنا اللى في رقابتنا يا كل المسؤولين والإعلام والصحة والتعليم والجامع والكنيسة انزلوا شوفوا البلد عاملة إزاى.
الناتج المحلي في سنغافورة يصل إلى 300 مليار دولار على خمسة ملايين نسمة، بينما الناتج المصري 400 مليار مقابل عدد سكان 100 مليون نسمة.
الناس ممكن تقول فيه قوائم انتظار متعالجوش.. علشان هي دي البلد.. بدل ما تجيب فيلم الإرهاب والكباب وتجيب المواطن بيشتكي وتخلي البلد خصم.. كان لازم يخلي السلبية خصم.
البلد مش خصم لكن المواطن اللي مش بيشتغل هو اللي خصم.. لما حولوا البلد لخصم في 2011 هدوها، ولولا فضل ربنا كان زمان مصر زي البلاد التانية اللي إحنا شايفيها، لا تقوم ولا ترجع تاني.
بقابل ناس في الشارع تقولى انا زعلانة منك، اقولها ليه تقولى عندي 6 عيال اقولها اعمل ايه؟ بس هما ساعات ميجبوش الحاجات دي في التليفزيون، علشان ميزعلوش يعني، اقولها انتي عندك 6 اقولها انا عندي 100 مليون.
إحنا عاوزين معدل النمو الاقتصادي في مصر يكون 60% علشان نوفر 5 تريليون دولار نتاج محلي.. وعلشان نوفر الخدمات اللى بتتقدم في أوروبا.. والتعليم اللى في أوروبا .. واخلى فيه وعي وتوعية زى اللى في أوروبا.. أنا مش بقدر اعمل ده.. كنا بنتلكم فى مبادرة قوائم انتظار العمليات الجراحية عن 20-30 ألفا ودلوقتى بنتكلم عن مليون ولسه شغالين.. ومش هيخصلوا وهيزيدوا .
مفتكرش إن يكون فيه فرص للجهود والكفاح والعمل قد ما احنا بنعمل، انتوا مش حاسين بده، أنت مش عايش برضا، الحاجة غالية وبتغلي، واحنا عارفين كده إحنا مش عايشين جوه بلدنا بس، وإن حصل غلاء بيغلي علينا، العملية مركبة، بس معدلات النمو مش مكافئة، معدل النمو الاقتصادي لا يساوى معدل النمو السكاني، وعندنا عجز متراكم على مدار 50 سنة.
القضية مشتركة وليست قضية سلطة، مفيش نظام في مصر، انا زيكم ومعاكم ومنكم، ولو مش قادر والله والله والله هديكم التحية وامشى.. هنعملها مظبوط كلنا.. اللى مش قادر يواجه ويجابه ده.. دى أمانة قدام ربنا.. مستقبل ولادنا.. القضية كبيرة أوي.. عاوزين تعليم كويس سواء قبل الجامعة أو بعد التخرج من الجامعة.. ويكون عندنا مستوي كويس.. بشرط المساعدة.
البلد دى بلدنا كلنا، مش بتاعتى أنا بس، وانا دائماً أقول الأمن القومي والأمن القومي والأمن القومي في كل حاجة.. الرعاية الصحية أمن قومي، التعليم أمن القومي، والدكتور طارق شوقى وزير التعليم خد على دماغه لما مات لما جيه يطور التعليم، انتوا عاوزين تعليم ولا مش عاوزين، لقاءاتنا دي توعية حقيقية لواقعنا، واحنا مش بنكسف.
اخر 7 سنين عددنا زاد 14 مليون نسمة، طيب هل جالي أرقام دخل تكفى هذ النمو الـ 14 مليونا؟ طبعا لا.. ده عجز من الدولة؟ لأ ده قدرة الدولة مش متمشية مع قدرة نمو الدولة، الاثنين مش زي بعض، لو عندى مصروف ألف جنيه، ودخلي مش ألف جنيه، يبق فيه عجز.. انا مش بتكلم في موازنة.. ده عجز القدرة والأداء.
