بقلم *بسمة عبد الفتاح الألفي*
*نائب رئيس مجلس الادارة*
*ومدير عام الهيئة الوطنية للتوعية الفكرية*
*اعلام الدفاع الوطني في أوروبا*
الخير بحور مالهاش آخر .. الخير دنيا تانية بتاخدك لطريق السلامة . الخير في أمتي إلي يوم الدين دا كلام الحبيب المصطفي صل الله عليه وسلم. أعمل الخير تلاقي الخير .وفيه ناس بتقول أعمل الخير وارميه البحر يعني القصد انك تعمل الخير وتنساه .
الخير مش محتاج فلوس .. الخير لازم يبقي في النفوس ..نفوس طاهرة مزروعة حب وسلام ، وطارحة خير وأجنحتها بترفرف زي الطير .
الخير دنيا لو فكرت تدخلها عمرك ماهاتعرف ترجع منها . فيه ناس هاتقولك أنت عبيط .. وفيه ناس ها تسقفلك . وفيه ناس هاتحقد عليك ، عايزة أقولك الثلاثة زي بعض ونفسهم يبقوا زيك بس مش قادرين .
الخير اوجهه كثير. الخير تعمله في مساعده واحد بيعدي الشارع ، في ظلم واقع علي حد وبتساعد في مساعده المظلوم ، الخير شجرة تزرعها في أرض وتطرح سنابل قمح تأكل بيها الناس .
الخير أنك تساعد مريض أو تساعد محتاج . الخير أنك تفرح يتيم وتزوره ، والخير أنك تفرح والديك وتحبهم ، والخير في حب ولادك وعيلتك واصحابك وناسك اللي حواليك .
الخير أنك تصل رحمك ، والخير أنك تنفق مما آتاك الله في أوجه الخير .
الخير أنك تعمل صدقة جارية لنفسك ولغيرك .
# اعمل الخير تلاقي الخير# ، خليه شعارك في أيام مباركة واستمر عليه باقي حياتك .
