• متابعه وتقرير أحمد نصر الكريتي
اعلام الدفاع الوطني_
علاقات عامة بموقع وجريدة الوطنية نيوز مصر
•اللي في الصور تحت ده مكان يمكن اول مرة تشوفوا او تسمع عنه في حياتك بس بجد حيبهرك لما تشوفه علي الطبيعة 😲
ده بقا يا سيدي اسمه (مقياس_النيل) و ده واحد من اكبر و اروع مقاييس #النيل الموجودة في #مصر و موجود تحديدا في معبد كوم امبو في #اسوان
طيب ايه حكايته ده 🤔
حكايته يا سيدي ان المصريين القدماء دول كانوا ناس كده رايقين و قاعدين يخططوا لكل حاجة و مش بيسيبوا حاجة للصدفة و كان فيضان النيل من اهم الاحداث عندهم لان مع الفيضان بيزيد الحصاد و بيتم تحديد الضرايب علي المزارعين بناء علي كميات الحصاد
طيب تعمل ايه ياد يا فرعون عشان تعرف انت السنة الجاية حيكون الحصاد قد ايه بالظبط عشان اظبط اموري 🤔
ايوه اعمل مقياس للنيل يقيس نسبة المية اللي في النيل و الزيادة فيه 👌
•فعملوا مقاييس للنيل علي ضفاف النيل بعلامات محددة بتحدد مستوي النيل و كانت مهمة قياس النيل من مهام رئيس الكهنة اللي كان بيراقب نسبة زيادة النيل كل يوم و يسجلها في سجلات خاصة و بقت مهمة التنبوء بحجم الفيضان جزء من مهام الكهنة في مصر بناء علي المقاييس اللي اخدوها طول السنة 📝
المكان فعلا من اروع ما ابدع المصريين القدماء من دقة في العمارة و الهندسة و الحساب و انهم قدروا يربطوا بحسابات معقدة نسبة الفيضان بالزراعة بالحصاد بالاقتصاد
•علي فكرة في مقاييس نيل تانية موجودة في معابد #كلابشة و #فيله و #ادفو يعني تقريبا في اكتر مواقع مهمة في اول مدينة بتستقبل النيل .. في اسوان الجميلة ❤️
