كتب عصام فتحي
الوطنية نيوز مصر اعلام الدفاع عن الوطن
🔴نفس الناس اللى كانت بتحلف ميت يمين ان كريم الهوارى صاحب واقعة الشيخ زايد....مش حيتحبس يوم واحد ولا حيتحط فى التخشيبة بسبب نفوذه ونفوذ ابوه رجل الاعمال الشهير !!
هم اللى النهاردة مش عاجبهم انه اتحكم عليه ب٣ سنين مشدد وهو اساسا محبوس بالفعل من يوم الواقعة وعكس ما اشاعوا وادعوا انه مش حيخطى الحبس ابدا
ومتغافلين تماما كمان عن ان اهل الضحايا وورثة المجنى عليهم رحمهم الله...تصالحوا رسميا مع كريم الهوارى وعملوا تنازل رسمى عن الادعاء المدنى فى الشهر العقارى....
الهوارى اتحبس ومكمل حبس ...ووقع واثر النطق بالحكم باين على اسرته فى الصورة.....ولسه محكمة الاخرة كمان والعقاب الاكبر
لو عايزين تلوموا لوموا اهل الضحايا اللى تنازلوا وتصالحوا فى دم ولادهم ..
اما الشرطة والنيابة والقضاء ...فمن اول لحظة تم معاملة الهوارى زى اى متهم دون تمييز
ومفيش قضية اطرمخت ولا هرب بره مصر زى ما كنتم بتدعوا كذبا !!!
العهد الحالى هو اكتر عهد شوفنا فيه اصحاب نفوذ مادى او اعلامى او غيره بيتحاسبوا وبيتحاكموا ويقفوا ورا القضبان ويترحلوا ع السجون
احنا فى مرحلة شعارها كله حيتحاسب
ولا احد فوق القانون
زمن انت مش عارف انا مين و ابن مين ؟؟ بينتهى بلا رجعة
