ادارة شرق الزقازيق التعليمية وتجريبية المعلمين الحديثة يحتفلون باعياد الطفولة

• متابعه وتقرير أحمد نصر الكريتي📝

اعلام الدفاع الوطني_ مراسل🖋 صحفي بموقع وجريدة📰 الوطنية🧾 نيوز📖 مصر للصحافة والاعلام📃

العميد البطل "حاتم صفوت الخشت" مأمور قسم شرطة أول أسيوط... جاله بلاغ بنشوب حريق فى حضانة الشابات المسلمات...  حضانة تلات ادوار... اخد البوكس بتاعه وطلع من القسم سايق بجنون... وصل لقى النار ماسكة في اركان الحضانة... كان فيها كام طفل؟؟

  

٩٥ طفل من سن ٨ شهور لحد ٤ سنوات النار محوطاهم والناس خايفة تقرب من ألسنة اللهب... 

  

بدون تردد... بدون تفكير كتير... اقتحم الحضانة بنفسه وسط النار والدخان... رؤية منعدمة... صوت اطفال بتبكي وبتصرخ ومعظم الكلمات إلحقيني يا ماما او إلحقني يا بابا... 

  

بروح الأب قبل روح الشرطي اقتحم المكان وما همهوش ان النار اصابته والدخان قرب يقضي عليه... فضل داخل خارج ينقذ في الأطفال لحد ما انقذهم جميعا هو وتلاتة شباب جدعان اوي.... انقذوهم من وسط النار اللي دمرت الحضانة عن بكرة أبيها... 

  

تلات ادوار من النار لم تكن كافية انها تمنع الراجل ده من اداء واجبه "الأبوي" قبل واجبه "الخدمي''... 

    

ما وقفش ينظر ولا يشاور ولا ينتظر الامدادات... 

ما وقفش وقال اصل انا عميد ورتبة... 

ما فكرش كتير... 

ما وقفش غير لما اتأكد ان مفيش ولا طفل تاني وسط النار... 

ساعتها بس هزمه العامل البشري وسقط مغشيا عليه ونقلوه للمستشفى لعلاج الحروق واثار الدخان اللي ما قدرتش تهزمه إلا بعد ما ادى واجبه...

 

أحنا عندنا ناس جدعان في مصر... 

موولودين كدة... 

رجالة وشباب زي الورد... 

ما حدش بيعرف عنهم غير في المواقف اللي بتستدعي اظهار المعدن الحقيقي... 

عميد برتبة أنسان