زيارة نائب وزير التربية والتعليم لمدرسة تجريبية المعلمين الحديثة بالشرقية

متابعه: مدحت ماهر

مدير قسم اعلام الدفاع الوطني

الفرق بين عصر البطل السيسي و عصر مبارك

هو الراجل البركة مبارك كان ممشى البلد ازاى ؟؟؟

اللي بيسأل مبارك كان ممشي البلد إزاي ... 

أقولك أنا كان ممشيها إزاي :

بس خليك معايا واحدة واحدة ...

ومتزعلش فالاختلاف في الرأي لايفسد للود قضية :

☜ شوف يا سيدي 

- كان ممشيها في الحرام ... !!!!

يعني سايب الأنفاق للتهريب لاخواننا الفلسطينيين في مقابل مفيش كلب يطلع يضرب طلقه نار ...

- سايب سيناء بدون أي تعمير حقيقي لصالح بعض البشر يزرعوا الحشيش والبانجو في مقابل استتباب الأمن في سيناء ...

- سايب الإخوان يبنوا امبراطوريتهم الاقتصادية من شركات صرافة ومستشفيات وغسيل أموال حتى وهما في السجون ويعملوا مليارات ... في مقابل استتباب الامن الداخلي ورضاء امريكا عنه ...

- كان سايب رجال الاعمال والحيتان يسرقوا الأراضي ويلعبوا بقوت الشعب زي ما هما عايزين في مقابل استتباب الامن الداخلي ...

- مبارك سحب فلوس التامينات ... وباع الشركات والمصانع ليدفع المرتبات ...

- اهدى الأراضى ببلاش للحبايب والاصحاب ...

- لاتعليم ... لاصحة ... لا أخلاق ... لا ضمير ... لامشروعات مهمة ... وكمان ابسط دليل مرضى السرطان ... وكارثة اطفال الشوارع ... وهم أصبحوا وقود المظاهرات والبلطجة والسرقة والخطف ...

- اغلق المصانع الكبرى التي انشئت فى الستينات بحجة الخسارة بدلا من تطويرها ...

- قام بتصفية الشركات العملاقة زي النصر للسيارات ... وغيرها من الشركات العملاقة لنفس السبب ...

- 30 سنة البلد فى حالة سلام لو كان اشتغل بمعدلات آداء السيسى كانت مصر تفوقت على دول كثيرة بل وسبقتها وكان ممكن نكون في مصاف الدول الكبرى ...

- هقارن ايه بس ولا ايه ... متشغل عقلك معايا ... 

بتقارن اهمال 30 سنة بواحد استلم بلد خربانة في كل القطاعات ... وبيسابق الزمن عشان يبني من جديد !!!

- تعالوا نتعاون مع السيسى ولا اقول لك : 

نسيبه يشتغل من غير تشكيك ... 

ومصر هتبقى حاجه تانية ... 

- عرفت ليه السيسى خاطب الست المصرية ... 

لأنه عارف أنها ست اصيله بتستحمل زوجها ... وظروفه الصعبه ... وكان عارف ان مصر ظروفها صعبة ... 

- لو السيسى كان عايز يعيش مرتاح زى مبارك كان الموضوع سهل قوى ... ويأكلك لحد متلاقيش بعد كدا حد يسلفك وتبقى ذليل لدولة زى امريكا ... عشان تصرف عليك ...

بس يا ترى التمن حيكون ايه ؟؟؟ ...

- مبارك عود المصريين على انهم ياكلوا ويشربوا وبس ...

ما حاولش يبني كوادر جديدة تقود الدولة دي ...

والنهاردة انت مش لاقي مسئول واحد زي الناس ... كلهم بنفس الفكر القديم ... هي دي القماشة اللي سابهالك مبارك !!! ... 

والا لما هو مبارك حلو قوي كده أسقطتوه ليه ؟؟؟!!! 

دا الراجل كان طالب 6 شهور بس !!! عارف ليه ؟؟؟

لأنك كنت متأكد من جواك انه ساعد على الفساد على أضعف الإيمان ...

- مبارك افقد المصري هويته وجعل كل همه هو قوت يومه وبس ... وساب كل واحد فينا يدور على مستقبله ويعلم ولاده بنفسه (شوف بتدفع كام دروس خصوصية ... ومدارس خاصة) و يعالجه ويهتم بصحته بنفسه (شوف كده حال المستشفيات بعد 30 سنه من حكمه) ...

- السيسي جه فطم الشعب المصري غصب عنه ... وهو مش عارف يجيب موارد بشكل سريع ... الموارد السريعة موجوده على صفحات الفيس بوك والخبراء في كل المجالات وعلى القهاوي والفلسفة الفارغة اللي ربنا بلى بيها المصريين ...

- ياريت كل اللي بيهاجموا السيسي يراجعوا نفسهم لو بيحبوا البلد دي صحيح ... ويبطلوا البكاء عل اللبن المسكوب