كتب ممدوح مرزوق .
هل تعلم أن الشهور المتبقية على الإنتخابات الرئاسيه هى (معركة وجودية) معركة أكون او لا أكون لتحالف الكارهين الداخلى مع الخارجى .
معركة نارية وخطط اتجهزت محلية وإقليمية وعالمية عشان عبد الفتاح السيسى لازم يمشى .
يمشى ليه؟
عشان يستكملوا بقية أهدافهم لإن وجوده بقى هو المعطل الأوحد لها ولابد من تحقيقها .
مش مهم مين ييجي بعده .
المهم إنه يكون أى حد غير السيسى ومالوش إنتماء عسكرى . لو ماقدروش يسقطوا السيسى كل أهدافهم هتؤجل .
مصر مش لازم تكبر وتعلي أكتر من كده .
مصر مش لازم تتحرر أكتر من كده .
مصر مش لازم تبقى قطب إقليمى وقت ترتيب الأقطاب ف الحرب العالمية اللى دايرة .
ثورة 30 يونية حرقت بعض خططهم اللى بقالهم عقود بيرتبولها للمنطقة كلها . ولما جه المصلح الشريف القوي الأمين فى وقت قاتل بالنسبة لهم وجرى بمصر وسبق الزمن . حرقلهم باقى الخطط واصبح وجوده هو الأخطر عليهم لإنهم اصبحوا ف حالة ضعف بين ولو مالحقوش يشيلوا العقبة دى من طريقهم تبقى المنطقة كلها نجت من شرهم إلى حين
طوال فترة حكمه وهما بيخططوا على أمل إن محاولاتهم تنجح والشعب يثور عليه لكن فشلوا .
نشروا فيديوهات لتسويد عيشة الناس علشان الناس تنقلب عليه برضوا فشلوا .
نشروا آلاف الشائعات منفعش .
شككوا الشعب ف مقدرة الدولة ع حماية مياههم منفعش .
قالوا إن السيسي السبب ف الغلاء وبيرمى فلوسهم ف الكبارى وداير يستدين عشان الناس تكرهوا منفعش .
قالك يبقى لازم كلنا نحط إيدينا ف إيد بعضنا ونشيله بتحرك خارجى نارى وتحرك داخلى للفوضى .
عموماً صاحب العقل يميز .
أحفظوا عليكم عقولكم وبصوا للمشهد كويس .
مصر أمانة ف إيدينا كلنا اوعوا تضيعوها تانى .
