منسق عام اعلام الدفاع الوطني
في لقاء مع الأستاذة الفاضلة /
مريم ثروت الامين المساعد للامين العام و أمين المرأه والمنسق العام بحزب مصر الحديثة بمحافظة الاقصر.
♦️ ما رأي سيادتك فيما دار في المنطقة وماتعرضت له مصر خلال الفترة الماضية؟
🇪🇬عايز تفهم ايه اللى حصل فى المنطقة الفترة اللى فاتت وايه كان الغرض من أحداث ٧ اكتوبر
لازم نعرف ان دى حروب اقتصادية بين أمريكا وحلفائها وبين الصين وروسيا على الممرات الملاحية وطرق التجارة
وطريق الصين الحرير اللى الصين نفذته يعتبر محزم العالم كله بما فيها افريقيا اللى هى سلة غذاء وطاقة ومواد خام للعالم كله الفترة المقبلة بعد ما اوكرانيا اتاخدت منهم وقريباً تايوان اللى الصين هتاخدها قريب
طريق الصين ده بيعتمد إعتماد كلى على قناة السويس
وعشان كده إسرائيل عرضت على أمريكا احياء مشروع قناة بن جوريون مشروع الممر البديل لقناة السويس واللى بيبدأ من الهند الى الامارات ثم السعودية ثم الاردن ثم إسرائيل ثم الى اوروبا وبتمويل خليجى لتعطيل قناة السويس
الممر ده شرط أساسي لازم يمر من وسط غزة وعشان كده حماس عملت مسرحية ٧اكتوبر عشان يهجروا أهل غزة لسيناء ويعطوا إسرائيل الذريعة عشان تدخل تجيب غزة على الارض
ولو تلاحظ ان اسرائيل ضربت كل البنية التحتية حتى المستشفيات عشان ميبقاش فيه بلد وينفذوا مشروعهم
مين بقى اللى سلح جيشه بأحدث الاسلحة ووقف من اول يوم من بداية الاحداث وقال مفيش تهجير
وكل الصهيونية وقتها كانوا بيطالبوا بتهجير أهل غزة لسيناء والاردن
ومعنى خروج الفلسطينيين من ارضهم معناه انهم مش هيرجعولها تانى خلاص وهيتم تصفية القضية الفلسطينية للابد
ولما شافوا العين الحمراء من مصر (مش كلام دى أفعال واسالوا الرصيف العائم اللى امريكا عملته بغزة واللى كان غرضه تهجير الفلسطينيين حصله ايه واسالوا عن الاسطول الامريكى بالمتوسط حصله ايه) قرروا يتجهوا ناحية لبنان وتم احتلال جنوبها وتصفية حسن نصر الله
وبعدها اتجهوا ناحية سوريا ودخلوا احتلوا نص سوريا
وطبعاً إسرائيل مش بتتشطر غير على الضعيف المشتت واللى معندهمش جيوش نظامية وعندهم ميليشيات وجماعات وحركات خونه باعوا ارضهم وعرضهم وشرفهم مقابل ولائهم لدول تانية
كل اللى خون السيسى ومصر الفترة دى بكره لما الحرب دى هتقف بمجيء ترامب هتعرفوا ان لولا ان السيسى قام بتسليح الجيش تسليح حديث فى فترة قياسية ولولا موقف مصر الصامد أمام تهجير الفلسطينيين لضاعت سيناء وقناة السويس وفلسطين الى الابد فى وقت نشاهد فيه خيانة كل دول الخليج للقضايا القومية وتمويلهم الميليشيات والجماعات بأوامر من امريكا لانهم دول ليس لهم سيادة على ارضهم اللى كلها قواعد امريكية فمن المستحيل ان يكون لهم سيادة فى قراراتهم
ونشاهد فيه أيضاً دول مثل الجزائر والمغرب وتونس يجاهدون فقط على الفيس بوك وليس لهم اى فعل او رد فعل مما يحدث
افتخروا ببلدكم وجيش بلدكم العظيم الصخرة اللى دائما بتتحطم عليها كل الاحلام وارجعوا للتاريخ فهو شاهد على إنتصار مصر دائما على كل أهل الشر من هكسوس ومغول وصليبيين والآن الصهيونية العالمية
واوعى تنسى أن العفى محدش يقدر ياكل لقمته
♦️ اشكر سيادتك على المقابله الرائعه والحضور الراقي ودائما التوفيق لسيادتك.
حفظ الله مصر دائما وابدا
🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬
