زيارة نائب وزير التربية والتعليم لمدرسة تجريبية المعلمين الحديثة بالشرقية

 بنك المعرفة المصري منارة المعرفة للمصريين فقط

٭اللواء .أ.ح. سامى محمد شلتوت.

أنشأت مصر بنك معرفة يفتح في مصر فقط وللمصريين فقط.

 
• الطبيعي اننا نبحث عن معلومات أو كتب بالبحث على جوجل . لكن الدولة المصرية أنشأت موقع اسمه (بنك المعرفة المصري ) محمل عليه تقريبا كل الكتب أوالمقالات اللي ممكن توفر عليك جهد البحث علي جوجل وبتصميم جميل جداً وسهل التعامل من خلاله .

• المطلوب تسجيل باسمك والبريد والرقم القومي وهايبعتلك رسالة علي البريد لتفعيل أكونتك لك .
ومبروك عليك الأكونت الجديد في أكبر مكتبة إلكترونية في العالم

• لينك الموقع‏Www.ekb.eg
الدولة المصرية وقعت إتفاقية بملايين الدولارات من أجل نشر البحث العلمي و هو متاحة  ليك كمواطن مصري بالرقم قومي .

•الإتفاقية  مع معظم الجامعات تعطيك الحق لتدخل الجامعات  وتستفيد من المحتوي المسجل عندهم  ويقدمونها للطلبة عندهم بمقابل مادى. و من حقك تستفيد منها مجانا بشرط أن  تكون مصري ومعاك بطاقة رقم قومى .
 
• الموقع مقسم أجزاء { الأطفال— الطلاب — الباحثون —الزوار العاديين}.
 تسجل فى القسم الذى ترغب فيه ولو أنت باحث لازم تسجل من الجامعة بتاعتك وتدخل علي الحساب مرة علي الأقل كل تسعون يوميا من الجامعة والباقي براحتك من البيت.
 
• ولو أنت طالب مش لازم تعمل أي حاجة من ده هتسجل وتحط رقم البطاقة والميل وتخلص تسجيل عادي « هتجيلك رسالة علي الميل بالباسورد ولينك تفتحه
وتسجل باسورود بتاعك الجديد
وبعد كده هيوصلك علي صفحة الموقع».

 • طريقة التسجيل خطوة بخطوة شوف الفيديو ده
‏http://bit.ly/2ZmqkJ0    بعد التسجل هتلاقي بعد كده  علامة البحث ، هتكتب فيها أي حاجة أنت عاوزها وتعمل بحث — إستني ثواني — هيوصلك أحدث الكتب والمقالات والفيديوهات اللي موجودة في الجامعات اللي عاملة الإتفاقية ومع المؤسسات الكبيرة لدور النشر اللي عشان تاخد أي كتاب منها مش هتلاقيه غير علي امازون بمقابل نقدى .نزل الكتب والفديوهات.
ولو بتدور علي مقالات محترمة أو أبحاث علمية الموقع هيفيدك بشكل  كبير.
 
•تعمل أكونت باسمك و برقمك القومي ( خد بالك ليك تسجيل مرة واحدة لكل رقم قومي) و تعملك بروفايل.

٭ممكن تجدد بروفايلك من فترة لفترة يعني مثلا كنت طالب و بعدين بقيت ريسيرشر …ده عادي.
الأطفال محتاجين حد من والديهم يعمل أكونت لنفسه الأول قبل ما يعمل لأبنه أو بنته.

٭جزء الباحث مهم جدا ليك لو أنت طالب ماجستير أو دكتوراة أو متخصص عموما.يحتوي على آلاف من الأبحاث المتخصصة وماتيريال متوفرة مجانا بالكامل و معظم الأبحاث اللي كنت مضطر تدفع
فيها مئات الدولارات هتلاقيها متوفرة على بنك المعرفة بدون أى تكلفة مادية  لأن الحكومة متعاقدة عليها .
• جزء الطالب يحتوى على كم مهول من الأبحاث و اللي تستفيد منها لو بتعمل‏research paper و أنت طالب أو كمصادر مفيش أكثر ثقة منها في مشاريعك ومعلوماتك عموما تكون متوافقة مع أحدث حاجة في المجال اللي متابعه.
فبنك المعرفة ووسيلة البحث  أسهل طرق البحث بالمترادفات.
وأي أبحاث ليها علاقة بالكلمة اللي بتبحث عنها. وممكن تعمل متابعة لمواضيع معينة وهو يبعتلك إيميلات بكل جديد paper أو ورقه علمية جديدة او أبحاث
منشورة في مؤتمرات في مجالك.

•جزء الأطفال  متعة بالتعاون مع Discovery Education يحتوي على ألعاب و فيديوهات من ناشونال جيوجرافيك و غيرها….
كنز لأي طفل… وبديل لكل الكارتون و الجلوس أمام التلفزيون.
 
•الموقع من داخله يفتح لك مكتبات كبيرة وكنز عظيم
بالتعاون مع مؤسسات مثل Elsevier  المؤسسة رقم واحد عالميا لنشر الورقات البحثية وتضم مجلات زي nature .
 
و الموقع به access للعظماء مثل
‏– ScienceDirect Journals
‏-Elsevier E-Textbooks
‏– Scopus Elsevier Database
‏– GeoFacets Databasase
 لعلوم الأرض و الجيولوجيا و يمكنك البحث بالمكان و الخريطة و مثلا خرائط لمياه الجوفية و  طبقات الأرض ومناجم التايتانوم أو الألماس موزعه للباحثين في أي مجال و خرائط لأي مكان على الأرض أيا كانت جيوفاسيتس. هيقدر يساعده بسهولة ده

٭الكتب والمواقع متوفرة للمصريين بالمجان....بالتوفيق للجميع..