دردشة مع السيد وزير الصحة والسكان.
الدكتور خالد عبد الغفار .
هو حضرتك موضوع نفقة الدولة دي منظومة ماشية ازاي .
لو عاوز تعرف يمكن تقدر تنظمها تضبطها تمام يبقى جزاك الله خير لانك بصفتك وزير الصحة وانا ساكن من السكان اللي ليه حق عليك لازم تظبطها
وده حقي من الدولة .
كل اللي بتكلم فيه مثبوت في اوراق معنا وكمان في دفاتر مستشفي شرق المدينة في اسكندرية .
وكمان نشره علي العام وعلي فكرة انا نشرته لسبب اني انا حسيت اني بنافق علي نفسي وبنافق الناس .
بصفتي مؤسس الهيئة الوطنية للتوعية الفكرية .
اللي المفروض اني بنور الناس وبوعيها
انا دخلت المستشفي طبعا شرق المدينة في الاسكندرية بشكو من ارتفاع في ضغط الدم 180/110 والسكر 540 وألم في صدري ناحية القلب والتشخيص مرفق جلطة غير مكتملة اللي اتحجزت فيها اربع ايام في العناية المركزة من يوم السبت 12/11لحد 15/11 .
وطبعا طلبت ان يتم العلاج علي نفقة الدولة بسبب ارتفاع قيمة العملية اللي مش موجود امكانيه لها اصلا.
وتم عمل الاجراءات قبل الخروج وذهبت الي المجالس الصحية المتخصصة في الحي السادس امس يوم 23/11 واتصدمت اني المستشفي ما رفعت الاوراق اليهم .
هم قدموا طلب قرار نفقه علي مدة حجزي في العناية فقط.
ومش مهم الباقي بقي اموت اعيش بتألم هم ملهمش فيه وانا منتظر يوم العملية المجهول اللي المستشفى قصرت واهملت فيه رغم صعوبة حالتي يعني لو الجلطه اتحركت يا تسبب شلل او حالة وفاه لان الجلطة في الشريان التاجي.
ورحت العيادات الخارجية اللي حددت عملية وذهبت لاجراء واعادة الورق من اول وجديد يوم 20/11 وبرغم لن يتم هو حضرتك عمليات نفقة الدولة لا يعتنو بها بامر من الوزارة زي ما قال الادارين في المستشفي هو موت المواطن وحياته بقت عبس من ضم اختصاص الوزارة.
انا مش عارف بجد بصراحة اليوم 24/11 ولولا اني رحت المستشفي وهددتهم برفع شكوى للوزير .
اللي كان ردهم مش عاوز اقول قال ايه قدام العام.
بس انا صورت كل الاوراق وركز علي التواريخ وحضرتك تعرف قد ايه وزارة الصحة منظومه مضربة بالنار في رجليها وبتعرج.
موظفين نفقة الدولة في المستشفى بتقول حضرتك دخلت تظبط منظومة الصحة وتظبط الكرسي لنفسك.
وعلي فكرة انا بتأسف للتاجي بتاعي وحسيت ان الموت احسن من البهدلة وقلة القيمة .
ومش عاوز اعمل عملية انا هتحمل الالم واموت بكرمتي .
ولا اني اتزل وانتظر توقيع قرار نفقة الدولة اللي بعيش منتظره وانا بتألم.
اللي انتظاره بيوصل الي شهرين .
لا عارف اجيب دواء من غلو سعره ولا عمليه منظره موافقة موظف بيتحكم في العالم .
حبيت اشرح موضوع يمكن احس اني انسان ممكن دولتي تنصفني وترد كرمتي امام اهمال موظفين وعبس ادارة لن تعطي للمواطن حقه .
اللي مهيأ له الدستور .
شكرا معالي الوزير.
عصام فتحي سعد
