مدير إعلام الدفاع الوطنى
*******************************
لما بتاخد قرار البُعد عن شخص بتحبه فدا معناه إنك قدمت كُل اللي تقدر عليه عشان تحافظ على العِلاقة دي وتخليها تكمل لكن ما نفعش، اِتمسكت بيهُم وجيت على نفسك واِتحملت عشانهُم وحاولت تغير فيهُم وبرضو كُل دا ما جابش همّه،
وفي الحالة دي انت بتبقي مُجبر على البُعد مش عشان انت حابب انك تبعد على أد ما انت مش عارف هتعمل إيه أكتر من اللي عملته
وده من أصعب القرارات اللي ممكن تاخدهاا فى حياتك انك تقرر تقطع علاقتك بحد كنت بتحبه اكتر من نفسك ، هو قرار صعب وفيه تحدى مع نفسك شويه بس مش اغلى من كرامتك
لما الإهتمام يقل، والتقدير بقى شِبه معدوم، ووجودك من غيابك ما بقاش فارق معاهم، يبقى في الحالة دي لازم تطرد مشاعرك تجاه الشخص دا من جوّاك، وتشتري نفسك
أبعد عن الشخص إللي بيستغل حبك علشان ضامن وجودك
لو محسيتش بقيمتك عند الشخص إللي أنت بتحبه متكملش ومتطولش لأن كل يوم بيمر عليك بيستنزف من وقتك وروحك ونفسيتك وعلى المدى البعيد بتتحول لذكريات مؤلمة
أبعد عن أي حد عايز ياخد منك أحلى ما فيك بدون ما يكلف نفسه ويديلك أبسط حقوقك عليه وهى إنه يقدرك .
أبعد عن الشخص الأناني إللي بيفكر في نفسه ومش مهم أنت
إللي يسمعك كلام ويقولك انا مقدرش استغني عنك وتلاقيه بيستغني ويبعد عنك بالأسابيع وبالشهور متأمنلهوش علشان هيجي يوم و هيسيبك وهيخليك تندم علي كل يوم ضحيت بيه علشانه
إبعدوا عن الناس الي مش راسيين علي بر ف التعامل معاكم وكل يوم ب حال ، مره تحس إنه بيحبك أوي وتبقي مبسوط جداً ومره تحس إنك ملكش وجود فِ حياته أصلاً ، الناس دي مش هيجيلك من وراهم غير وجع القلب.
بعد فتره من الوقت هتلاقي نفسك مش زعلان علي العلاقات إللي خسرتها
أكتر حاجه هتزعل عليها هي عمرك إللي ضاع فـ أختيارات غلط
وعلي مجهود سنين أترمي فـ الأرض مقابل ولا حاجة.
و كل حاجة وليها تمن ، و أغلى تمن هتدفعه
هو أيام عمرك إللي مش هتعرف ترجعها تاني
فـ ركز كويس أنت بتضيع وقتك فين وعلي مين
علشان متلاقيش العمر جري بيك وضيعته علي حاجات هتندم عليها في الآخر.
نزار قباني قال: “أحيانًا نرحل ليس حُبًا في الرحيل، ولكن لا فائدة من البقاء.
