لو مش فاهم ان احنا بنواجه حشد عسكري امريكي ضخم في البحر المتوسط وحشد عسكري على الحدود المصرية
بقلم /د منى مصطفي
خطة مكتملة الاركان بتتنفذ حرفيا علينا وعليهم يبقا لازم تفهم الكلمتين دول ولازم تفهم ان دعمك للقيادة المصرية في المعركة دي بالذات مبقاش نوع من الرفاهية.
ده الامر الواقع اللي لازم نصدقه!
مصر دلوقتي بتخوض المعركة لوحدها حرفيا بدون اي داعم خارجي دا لو لسة مش واخد بالك، معركة لا تقل خطورة عن المغول والصليبيين والفرنجة زمان يمكن نفس المعطيات بنفس التفاصيل بإختلاف جوهري بسيط في العدة والعتاد وللعلم الظروف زمان بردو مكانتش احسن حاجة
الموضوع مبقاش موجة غلاء ولا تضخم لا دا تهديد وجود طال اهالينا هناك وبيطولني انا وانتا دلوقتي بشكل صريح ومباشر تهديد علني بالفوضى والاستفزاز العسكري، وجه جديد بنقابله للمرة الاولى معاهم من وقت ما اعلنوا عن تأسيس كيانهم المزعوم.
فاهم ان التهديد ده مش عادي مش تهديد للانظمة ولا لعبة سياسية انما تهديد وجودي لشعبنا نفسه؟ لاستقرارنا نفسه؟ ليا وليك في قلب بيتنا لاهلك واصحابك
قد يعجبك ايضا
